UK rama enthlatu tûr hmanga hrai chungchangah Russia President Vladimir Putin-a’n thu sawi

0
518
views

UK rama enthlatu tûr hmanga hrai chungchang thubuai kal zelah, Russia President Vladimir Putin chuan UK PM Theresa May-in a puhna te chu behchhan nei lo leh thu dik lo niin a sawi. Putin chuan Sergei Skripal leh a fanu tûr hmanga hrai an nih chungchang chu chanchinbu a\anga a hriat mai a nih thu leh, UK thuneitute sawi anga sipai-te hman \hin tûr a nih chuan an thih nghal ngei a rin thu te pawh a tirah a ngaihtuah niin a sawi bawk a, hetiang ang tûr an ramin a kawl tawh loh thu leh UN leh khawvel pum huap pawl dangte mithmuh lai ngeia a tih ral tawh thu te, ram dang zawkin an intiam anga tûr an tih ral ve loh zawk thute a sawi bawk a, UK nen an inkar boruak chhe hle mahse, thawk dun leh turin an inpeih reng tihte a sawi bawk a ni. Puan tawh angin Sergei Skripal leh a fanu tûr hmanga hrai an nih chungchangah British sorkar chuan Russia a inrawlh ngei nia sawiin, Russia ram palai 23 a hnawtchhuak a, inrinni khan Russia pawhin UK sorkar palai, Moscow-a awm mek, mi 23 a hnawhchhuah bakah St.Peteresburg-a UK sorkar hmun dah tura inbiakna kal mek leh British Council hnathawhte titawp turin a ti ve nghal a ni.