UK sorkar chuan damlo in lama chenchilha enkawltu leh thawktu dang zawng zawngte chu Covid-19 an kai leh kai loh enfiah a ni dawn tih a sawi.

0
372
views

Mi 2,000 chuang in lama enkawlna dawng mekte-ah hri chu thunun zawh loh khawpin a darh nasa niin mi \henkhatin an sawi a, UK sorkar chuan NHS thawktute leh in lama damlo enkawltute enfiahna tur hmanrua tam zawk pek a tum tih a sawi. He hmalakna hi engtiang chiahin nge hri leng a darh tawh tih finfiahna tur a ni a, heta \ang hian damdawi leh hmanraw dang an mamawh zel tur leh ICU an mamawh zat tur te a hriat theih dawn a ni a ti.

UK-ah hian thisen maktaduai thum chuang test a ni tawh a, amaherawhchu, thisen chauh test chu an duhkhawp lo a, thisen a\anga Covid-19 an kai leh kai loh test hi second reilote hnuah hriat theih a ni a, hrawk emaw hnar emaw a\anga thil tui hnang la-a test erawh a result ni khat hnuah a hriat theih chauh thung a ni. Hrawk emaw, hnar emaw a\anga test-ah chuan hri an kai tih a hriat nghal theih a, thisen a\anga test-ah erawh hun kal tawha hri an kai chauh a hriat theih thung a. antibody test hi rintlak famkima ngaih a ni lo a ni.