UK sorkar-in kum 2015-a ISIS zawm, tuna Britain-a let leh duh kum 19 mi Shamima Begum-i Britain khua leh tui a nihna a hlihsak.

0
594
views

East London-a cheng \hin, fapa hring hlim Shamima Begum hi indona tlansanin Syria-a raltlan awmkhawmna campah ISIS nena inkungkaihna nei mi za chuang nen an awm mek a, Britain-a let leh a tum laia Britain sorkar hmalakdan chu awih har a tih thu a sawi a ni. British Home Secretary Sajid Javid chuan Shamima nu hian UK leh Bangladesh mi nih kawp theihna dual citizenship a neih vangin Shamima Britain khua leh tui mi a nihna a hlihsak niin a sawi a, a hmalakdan hian sawisel hlawh hle mahse Home Office aia thupuangtu chuan Home Secretary hian ram let lehna tur nei lo an nih loh phawt chuan British khua leh tui nihna hi a hlihsak theih thu a sawi a ni.