Ukraine thlawhna, boeing-737 khualzin 180 chuanna chu Iran ram chhungah a tla a, nung dama chhan chhuah theih an awm beiseina a awm lo.

0
545
views

He thlawhna hi Ukraine International Airlines a ni a, Iran khawpui Tehran-a Imam Khomeini \umhmun a\anga a thlawh chhuah hnu lawkah a tla a ni. Thlawhna hi Kiev pana thlawk a ni a, Boeing chuan thlawhna a tla tih hi an hriat tawh thu leh an chhui chian mek thu an sawi.

Passenger zinga a tam zawk hi Iran leh Canada mi an ni a, Tehran-a Ukraine embassy chuan khawl lam fel loh vanga tla niin thuchhuah a siam a, a hnu rei lo teah thuchhuah hi a hnuklet leh a, commission inquiry-in a tlak chhan a chhui chian hma chuan thlawhna tlak chhan lo sawi chu a remchang lo tih embassy hian a sawi.

Thlawhnaa chuang zinga 82 te chu Iran mi an ni a, Canada mi 63 leh Ukraine mi 11, sweden mi 10, Afghan mi 4 te bakah British leh German mi pathum ve ve an ni tih Ukraine Foreign Minister Vadym Prystaiko chuan a sawi.

Iranian Aviation organisation thupuangtu Reza Jafarzadeh chuan thlawhna tla chungchangah hian aviation dept a\angin a chhui chiangtu turte tirh an ni tih a sawi.