UN-a US palai, Nikky Haley chuan, United Nations General Assembly thuchhuak hian America thil tih chu a tihdanglam loh tur thu leh, American Embassy pawh Tel Aviv a\angin Jerusalem-ah sawn ngei a nih tur thu a sawi a, vote thlak hnu lawkah hian Haley chuan, he UN thuchhuak eptute, vote thlak lo leh kal lo hrim hrim, ram 65 hming a chhinchhiahna chu lek chhuakin, UN thiltih dan dik lo tak nia a sawia tel ve lo ramte chu America-in a ngaihsan thu a sawi a, January ni 3-a America sorkarin an chunga lawmthu sawina inkhawm a buatsaih tura tel turin heng ram 65 palaite hi a sawm nghal bawk. Kum 2018-ah hian America hian \anpuina sum, dollar tld. 25 leh vbc. 80 a sem chhuak leh dawn a, nizana America eptute hi a kal k^n dawn em, hriat a ni lo a, State Department thupuangtu, Heather Nauert chuan, America eptute hi \anpuina p>k loh nghal tur tihna a ni lo tih sawiin, foreign policy mi thiamten thil tih dan tur an ruahman dawn tih a sawi. Vote thlaknaa tel lote zingah hian America \anpuina dawng hnem zual zinga 5-na, Kenya leh America thlawp tlattu, Georgia leh Ukraine te pawh an tel a ni.
Israel PM, Benjamin Netanyahu chuan UN thuchhuak chu awmze nei lo niin a sawi a, Palestinian Ambassador, Riyad Mansour erawh chuan UN thuchhuak chu Palestinian te, United Nations leh khawvel ramte inlaichin dan phung pangngai tana hlawhtlinna nia sawiin, UN-a US Ambassador, Nikki Haley chu ram dangte hmin a tumna kawngah a hlawhchham chiang hle niin a sawi a, America hian tun hmaa UN-a la awm ngai lo, vauna nen \an la mah se, a hlawhchham ta niin a sawi. United States leh Israel hian he resolution ep tur hian \an an la nasa hle a, Haley hian ram 180 chuangah lehkha thawnin, America ep zawnga vote thlakte chu chhinchhiah vek an nih tur thu a sawi a, President Trump-a pawhin a eptute chan tur sum chu America-in thil dangah a hmang thei dawn niin a sawi. Heti chung hian US \anpuina dawng hnem ber ber – Afghanistan, Egypt, Jordan, Pakistan, Nigeria, Ethiopia, Tanzania leh South Africa ramte chuan US hi an ep ta tho a, Egypt hian kuminah ngawt pawh US \anpuina, dollar tld. 1 leh vbc. 40 vel a dawng a, Jordan pawh hian dollar tld. 1 leh vbc. 30 vel a dawng a ni.
