UN Human rights hlotu hlui kal chhuakta Zeid Ra’ad al Hussein a’n Rohingya Muslim te laka Myanmar sipaite chet dan chungchangah Aung san suu Kyi chu a inhnukdawk ngam tur a ni a ti.

0
373
views

Zeid Ra’ad chuan Nobel Peace prize lo dawng tawh Aung San suu Kyi chuan sipaite chet dan pawmzam aiin a chenna ina hrenbeha awm leh pawh a thlang zawk tur a ni a ti a, UN report Thawh\anni-a tih chhuah takah Suu Kyi hian sipaite rawng taka an chetna hi a dang zo lo nia tarlan a ni.

Rohingya Muslim te laka sipaite chet dan UN in a tarlan hi Myanmar sorkar chuan a pha a, engmah tih dik loh an nei lo niin an sawi a, Myanmar sipai thupuangtu chuan UN report chu thu dik lo nia sawiin, Aung san suu Kyi in mawhphurhna engmah a nei lo niin a sawi. Sipai rorelna hnuaiah kum 73 mi Suu Kyi hi kum 1989 a\anga 2010 thleng khan a chenna in ah pawn chhuak thei lova hren a ni a, mipui rorelna democracy din tumtu leh human rights venghim tura beitu-a ngaih a ni \hin a, tun thil thleng avang hian Nobel Committee chuan Nobel Peace Prize kum 1991 a an lo hlan tawh chu laklet sak tumna a awm rih lo tih a lo sawi tawh a ni.