UNICEF-in Rohingya Muslim naupang 7,20,000 vel tanpui ngai chhinchhiah tawh

0
392
views

UNICEF chuan Bangladesh leh Myanmar-ah Rohingya naupang, 7,20,000 vel tanpui ngai an chhhinchhiah tawh tih vawiin khan an sawi. UNICEF chuan heng naupang-te hi ei in leh silhfen bakah, an sahimna hrim hrim leh an dikna leh chanvo te humhalh sak an ngai hle tih an sawi a, Myanmar-a kir turin an la him tawk loh avang leh, Bangladesh-a cyclone tleh hun a inher chhuah hnaih tawh avangin, an ngaihtuahawm hle tih an Director of Emergency Programmes, Manuel Fontaine chuan a sawi a ni.

Vawiin vek khan Myanmar Rakhine vela khaw rauhsan tawh, 55 vel chu sipai-ten bulldozer-in an chil chhia tih Human Rights Watch-te chuan an sawi a, hei hi Rohingya mite laka chunga sipai hleilenna finfiah theihna tur thaibo tumna ni an hriat thu an sawi bawk a ni.