Union Budget 2019-2020 pharh takah, Tribal Affairs Ministry-ah kum hmasa lam aiin cheng vbc 800 a dah tam a ni.

0
466
views

Tribal Affairs Ministry kaltlanga Tribal te tana hmasawnna hna thawhna tur sum ruahman hi cheng vbc 6818396 a ni a, hei hi 2018-2019-a sum ruahman cheng vbc 6000 aiin vbc 800 chuangin a pung a ni.

Tribal Affairs-a sum dah punna hi za zela 15 a tling phak a, central sorkar chan Tribal te chenna hmuna hmasawnna ruhrel chak zawka din tumin sum dah hi a ti pung a ni. Hetihlai hian Tribal te zirna tih hmasawnna tur atana sum dah erawh a punna a sang lo hle a, kum hmasa lamah cheng vbc 1953.03 ruahman a nih laiin tunah hian cheng vbc 1953.50 ruahman a ni a, ram danpui Article 275 (1) hnuaia Tribal te hmasawnna tura sum ruahman \hin erawh cheng vbc 1820 a\angin 2662.55 ah tihpun a ni a, a punna hi za zela 46 a tling phak a ni. He sum ruahman hi state hrang hrang 23-a Tribal te hmasawnna tura pek chhuah \hin a ni. State sorkar-a \anpuina Grant in aid atana sum ruahman chu kum hmasa lama cheng vbc 4946.74 a\angin cheng vbc 5659.24 ah tihpun a ni a, Tribal te hmasawnna tura scheme duan, Vanbandhu Kalyan Yojana hnuaia sum dah chu chengt vbc 374.97 a\angin 406.52 ah tihpun a ni a, a punna hi za zela 8.4 a ni.

Schedules Tribe zirlai te tana scholarship atana sum dah erawh tih danglam a ni lo a, cheng vbc 102 tho dah a ni a. Tribal Coopertive Marketing Development Federation of India Limited (TRIFED) leh Tribal te hmasawnna tura thawktu Voluntary Organisation ang chi te tangkafaia \anpuina tur kum hmasa lama cheng vbc 72.5 dah chu vbc 83 ah tihpun a ni bawk.