Union Finance Minister Arun Jaitley a’n Congress President Rahul Gandhi chu Rafael indo thlawhna lei chungchangah ram himna ti derthawngah a puh.

0
402
views

Arun Jaitley chuan Rahul Gandhi leh a kaihhruai Congress party chu thu dik lo sawiah puhin amah Rahul Gandhi-a thil tih dan chu ram himna ti derthawng thei a ni a ti a, Congress party chuan Prime Minister Narendra Modi kaihhruai sorkar chu France hnen a\anga Rafael indo thlawhna 36 lei dana fel lo taka thil tiah puhin, to uchuak taka lei tura inremna siampuiah leh langtlang lo taka thil kalpuiah a lo puh tawh a, hei hi chhangletin Finance Minister chuan Rafael inremna chungchanga congress party in inhnialna a chawh thawh chu kindergarten emaw primary school naupante emaw inhnialna ang vel chauh a ni a ti a, keinin cheng 500 kan pek laiin nangnin cheng 1600 inpe tih vela inhnial chu Rahul Gandhi a’n thil awmdan a hriat loh zia ti langtu a ni a ti a, Congress in sorkar an puhna thumal tin chu thu dik lo vek a ni a ti a, Sorkar chuan Rafael indo thlawhna hi hman theih nghal mai tura peihfel sa vekin France hnen atangin 36 a lei dawn a, mimal company inrawlh an awm dawn lo a ni a ti.