Union Finance Minister Arun Jaitley leh Shivraj Singh Chauhan te chuan vawiin khan Madhya Pradesh-a BJP manifesto an tlangzarh.

0
736
views

 

Jaitley chuan State Assembly inthlana BJP an chak chuan hna thar nuai 10 siam chhuah an tum thu a sawi a, state politics leh sorkar inrelbawlna an siam \hat tawh thu leh tunah chuan state-a chengte dinhmun chawisan chauh hmabak an nei tawh niin a sawi bawk a ni. Madhya Pradesh-ah hian BJP hi kum 15 an sorkar tawh a, Jaitley chuan kum 2003 hmalama Congress-in Madhya Pradesh an enkawl lai khan khawpui-ah pawh tui thianghlim in tur leh kawlphetha pawh a awm mumal lo niin a sawi a, Gwalior leh Jabalpur-ah te rel kawng thar sial a nih bakah smart city siam belh an tum thu te leh, pawl 12 pass chhuak hmeichhe zirlaite hnenah scooter pek a tiam bawk a ni. Puan tawh angin Madhya Pradesh-ah hian tun thla ni 28 hian Assembly inthlan neih tur a ni a, December ni 11-ah vote chhiar a ni ang.