Tun dinhmunah ram chhunga coronavirus kai tawh zawng zawng chu mi 2,902 an tling tawh a, enkawl lai mi 2,650 an awm mek a ni.
Darkar 24 chhungin mi 601-in Coronavirus an kai tih finfiah a ni a, hemi chhung vek hian mi 12 an thi a, nikhat thil thua thihpui leh a kai hmuh thar tam ber \um a la ni.
March thla laihawl vela Delhi Nizamuddin-a Tablighi Jamaat punkhawmnaa telte a\angin he hri hi tun hnaiah a darh nasa hle a, hetihlai hian Uttar Pradesh-a Ghaziabad damdawi ina thawk Nurse te chunga mawi lo taka khawsa, Tablighi Jamaat member te lakah Uttar Pradesh sorkar chuan National Security Act hmangin thubuai a ziak lut a ni.
Sorkar laipui chuan ram chhunga Coronavirus inkaidarhna bupui nia a hriat hmun 14 a tarlang a, chungte chu Dilshad Garden, Nizamuddin, Noida, Bhilwar, Kasargod, Patha-nam-thitta, Kannur, Mumbai, Pune, Indore, Jabalpur, Ahmedabad, Ladakh leh Yavatmal te a ni.
Maharastra chu ram chhunga hri leng kai tamna ber State a ni mek a, mi 490 hmuh chhuah an ni tawh a, thihpui 6 an awm tawh a ni.
Delhi-ah chuan damdawi ina hnathawk mi 108 vel Gangaram damdawi inah khung hran an ni a, heng mite hi Coronavirus kai bul hnaia an awm vangin khung hran an ni.
