Union Minister of State for Agriculture & Farmers’ Welfare, Pi Krishna Raj-i’n RKVY hnuaiah Mizorama Project 111 kalpui nan cheng vaibelchhe 11 leh nuai 87 pek a ni dawn tih a puang.

0
325
views

Vawiina Chief Ministers’ Office Conference Hall-a thuthar lakhawmtute a kawmnaah he thu hi a sawi a, Prime Minister Narendra Modi-a’n hmarchhak bial hmasawnna a ngai pawimawh tih sawiin, Cabinet Minister-te chu hemi atan hian a hranpain hriattirna a pe hial niin a sawi. Pi Krishna Raj chuan, kuthnathawktute tun hmaa an sum hmuh leta tam an hmuh theih nan \anlak a \ul tih sawiin, he hmalakna hnuaiah hian Mizorama Oil Palm chingtuten an sum lakluh aia tam an lakluh theih nan hma an la dawn tih sawiin, nimina Mizoram a lo thlen hnuah nimin vek khan Mizoram Sorkar Officer liante a kawm nghal thu leh Mizoram Sorkar-in RKVY project kalpuina tur rawtna an thlen chu pawm nghal a ni tih a sawi. Union Minister of State chuan, Sorkar laipuia Agriculture Ministry kaihhruaina hnuaiah hian Blue Revolution siam tura \anlak mek a ni tih sawiin, hemi hnuaiah hian kuthnathawktuten thawh chhuah a leta tipung tura hmalak a ni dawn a, Mizoram chu a leilung leh boruak a \hat avangin hemi atan hian theihna nasa tak a ni tih an hriat thu leh kuthnathawktute chauh ni lovin, \halaite, hmeichhiate leh mipui nawlpui thawhchhuah hmang an sum lakluh tihpung tur leh hma an sawn theih nan Sorkar laipui chuan \an a lak mek thu a sawi a ni.

Amah \awimawmtu Chief Minister, Pu Lal Thanhawla chuan, Union Minister of State for Agriculture & Farmers’ Welfare, Pi Krishna Raj-i’n Mizoram a lo tlawh chuan Agriculture leh Horticulture lamah Mizoramin a hlawkpui hle ang tih an beisei niin a sawi a. RKVY hnuaia hmalakna tura an thlen tihhlawhtlin a nih tur thu a sawi chu lawmawm a tih thu leh he mi hnuaia hmalakna chuan kuthnathawktute tan rah \ha a chhuah ngei ang tih a beisei tih a sawi.