Union Minister of State for Defence Subhash Bhamre chuan Rafale indo thlawhna chungchang engkim puanzar a nih loh chhan chu ram venhimna thil kaihhnawih tam tak a awm vang a ni a ti.

0
386
views

 

Puan tawh angin Congress chuan Comptroller and Auditor General, CAG-in Rafale indo thlawhna lei chungchang chhui chian an phut a, hei hi Bhamre chuan thil \ha ber a nih loh thu a sawi a, Rafale indo thawlhna chu UPA kaihhruai sorkarin lei a tumna aia za zela 9-a tlawma an lei thu leh, indonaa hman theih tura la thuam \hat leh tur a ni a ti a, thuam \hat a nih dan tur puanzar a nih chuan hmelma te tan enthlatu tirh pawh a ngai dawn lo niin a sawi bawk a ni.

Rafale indo thlawhna lei tur hian kalphung pangngai an zawm thu leh eptu lam party-te’n an sawi anga dik lo taka thiltih a awm lo niin Bhamre hian a sawi bawk a, Indian Air Force-in ramri kil tin veng thei turin Squadron 42 a mamawh thu leh tun dinhmunah Squadron 33 an neih tawh thu te, hei hi kum 2001 a\anga mamawh a nih tawh thu te leh UPA kaihhruai sorkar-in an ngaihthah thu te a sawi bawk a, PM Narendra Modi-a kaihhruaiin chhinchhiah tlak tak tak thil a tih vangin eptu lam hian sawisel tur an zawng mai mai niin a sawi bawk a ni.