Union Minister Ram Vilas Paswan-a fanu, Asha Sadhu-in Lalu Yadav-a party RJD a\anga seat chuh thei dinhmuna a din chuan a kum thar Lok Sabha inthlanah a pa dinna seat chuh ve a tum tih a sawi.

Asha pasal, Anil Sadhu chuan Paswan-a party, Lok Janshakti Party, LJP chu hnam hnuaihnung zawkte hnuaichhiah ching a nih thu leh Paswan-a hnampui zingah pawh amah ngaithei lo tam tak an awm tawh niin a sawi a, Lalu Prasad leh Tejashwi Yadav-te’n rem an tih chuan amah emaw a nupui hian Paswan-a dinna bial-ah inthlan an chuh ve ngei dawn tih a sawi bawk a ni. Asha hi Paswan-a leh a nupui hmasa te fanu a ni a, Lok Sabha inthlan hnuhnung berah khan a fapa, Chirag Paswan chu thlan tlin a ni a, an party hruaitu zingah a ruat a ni zui bawk a, Sadhu hi LJP hming hian kum 2015 khan Bihar inthlan a lo chuh ve tawh bawk a, khami \um khan a tling zo lo a ni.
——————