United Nations-in Taliban leh hel pawl dangte aiin US leh sorkar lam\ang sipaite’n Afghanistan civil mi an that hnem tawh zawk tih a sawi.

0
315
views

United Nations Assistance Mission in Aghanistan chuan kumin March thla thleng khan hel pawlte’n Aghanistan civil mi 227 a thah thu leh ramdang leh sorkar lam\ang sipai te’n Aghanistan civil mi 305 an thah tawh thu a report a, US \anpui Afghan sipaite kuta thi te hi a tlangpuiin, beihpui an thlakna leh thlawhna hmanga an beihnaa thi te an ni tih report ah hian a tarlang. UNAMA chuan Afghan National Security Force leh ramdang sipaite chu civil mi thi leh hliam zat hi chhuichiang a, puangzar tur leh kut tuarte hnena zangnadawmna pe turin a ngen a ni.

Kum 2017-a President Donald Trump-a’n khuahkhirhna a thlah zal hnuah US sipaite’n Taliban te awmna te an bomb nasa hle a, ram dang te’n \anpui tho mahse, a beitu tak chu US thlawhna te an ni a, UNAMA hotu Tadamichi Yamamoto chuan heng hmalaknaah hian civil mite an thih nasat avangin civil mite venhim an ngai tih a sawi.