United States Missouri-a naupang pakhat chu thingkunga a awm laiin khuai chikhatin a zuk avangin a tla a, a tlak pah hian sarepna tul thir-ah a in dawt a, mak tak maiin he naupang hi a dam chhuak dawn nia hriat a ni.

Tul hian he naupang Xavier Conningham-a lu ah a dawt tlang a, mak tak maiin a mit, a thluak leh a hnungzangruh te bakah thisen zam pawimawh zualte a fuh lo vek a ni. Kansas University Hospital chuan he naupang hi a dam khaw chhuak ngei dawn nia an hriat thu an sawi a, a aw erawh a khawih danglam deuh mai thei tih an sawi thung. Kansas University Doctor te chuan darkar tam tak an beih hnuah tulthir hi hlawhtling takin an zai chhuah sak a ni. Xavier-a hi an in bul thingkung-a buklem sakah a infiam a, khuaiin a seh takah hian talbuaiin a tla palh chu tul thirah hian a indawt ta a ni.