United States senator te leh Trump-a kaihhruai sorkar hotuten coronavirus leng mek vanga chhawmdawlna tur US dollar trillion hnih pe tura rawtna an siam chu pawm a ni.

0
41
views

Senate Democrats, Republican leh White House chuan Cornavirus vanga an ram sum dehchhuah tlahniam tur ven nana sum ruahman hi an nemnghet ta a, tunkar tawpah an kal dan tur an duang leh ang.

He sum hi Congress-in pawm a tawh zingah khawvela inchhanchhuahna tura sum dah tam ber a ni a, President, Donald Trump chuan he bill hian a dawhkan a thlen rualin a hming a ziah hnan dawn tih a sawi.

Senate Majority Leader, Mitch McConnell chuan an ram damdawi in hrang hrang emergency room-a duty doctor leh nurse ten hun rei tak hmaituamna hnianghnar taka an neih theih nan an nghak tawh a, he thutlukna hi an tan chuan chanchin ngaihthlak nuam tak a ni a ti.

He sum hi coronavirus vanga thi te leh mi 50,000 chuang damlote, sumdawnna sang chuang khar mek te, mi nuai chuang hnathawk thei lova ina inkhungte leh harsatna hrang hrang tawk te chhawmdawl nana ruahman a ni.