Uttar Pradesh Gorakhpur-a ram chungchang intihbuaina kaihhnawihah BJP MLA pakhat leh midang 27 te thubuai siamsak an ni. Kamlesh Paswan, Bangsgaon bial atanga thlantlin leh midangte hi ninzan khan thubuai siamsak an ni a, Police te hnena thubuai thehluttu chuan Paswan-a fuihpawrh hian ramri a hung mek an tih chhiatsak niin a sawi a, Police te chuan Paswan-a hi a inrawlh ngei em tih an la sawi thei lo a ni. Zawhna chhangin Paswan-a hian he thil thlen lai hian a hmunah pawh a awm loh thu sawiin, inrawlhna a nei lo niin a sawi a. Mi thenkhatin dik lo taka ram neih an tum thuah he thil thlen hma hian Police hotulu chu a hmuh ngei thu a sawi a, FIR-a a hming lan chhan tur awm a hriat loh thu sawiin a tul anga hmalak a tum thu a sawi.
Chanchin Thar UP-a ram kang chungchang intihbuaina kaihhnawihah BJP MLA pakhat leh midang 27...
