UP-ah sipai bangin a nupui fanau silai nen hreng

Uttar Pradesh-ah sipai bang pakhat, Avdesh Yadav-a’n a nupui fanaute silai nen darkar 20 chuang a hreng. Thuneitute chuan Yadav-a hi kum 2014-a sipai chawlhsan, Delhi-a Security Guard hna thawk chhunzawm a nih thu leh, rilru lama harsatna nei nia an hriat thu an sawi a, silai vawi eng emaw zat hmetpuakin, a nupui leh a fate pahnih bakah, an thenawma cheng midang pathum te a hreng a, râlin an hualbeh tawh vangin, an tlanchhiatna tur kawng sial turin silai a lo kap dawn tih thute a au chhuahpui niin a hmuna awm-te chuan an sawi. Police-te chuan Yadav hi a tirah biak an tum laiin silai a lo hmehpuah vangin hun engemawchen an insaseng san leh phawt tih an sawi a, a fate an biak pawh theih hnuah, a silai chu thuhruk sak tura hrilhin, thil pawi lutuk thleng lovin Yadav-a hi an man thei ta tih an sawi. A chhungte chuan tunhma lamin Yadav-a hian rilru lama harsatna a lo neih tawh thu leh kum 10 vel liam ta khan damdawiinah te pawh enkawl a lo ih tawh thu an sawi.