UP Assembly-ah MLA-in a nupui nena an inbiak dan sawi chhuak, MLA dangten hlimpui hle

0
352
views

Nimina UP Assembly session-ah, khawlaia bawng tla mai mai tam lutuk chungchang sawiho a nih laiin, MLA pakhatin a nupui nena an inbiak dan a sawi chhuak a, member-te an nui nasa hle a ni. Bahujan Samaj Party MLA, Anil Singh-a chuan hemi chungchang hi sawiin, amah hi MLA a nih vawi khatna a nih avangin a nupui chuan House-a rorelnaa a thil tih dan a lo zawt niin a sawi a, ani chuan a che \ha vak lo tih a hrilh a, a nupui chuan, ngawi renga \hu a, mi thil tih dan ngaithla ve mai mai turin a hrilh niin a sawi. Zawhna leh chhanna huna khawlaia bawng tla te chungchang, House-a sawi a nih laia hetiang thu, inzawm lo tak a sawi mai avang hian Speaker, Hriday Narain Dixit chu a nuih a za hle a, MLA chu thil a zawh belh zel a, a tawpah phei chuan Speaker chuan, hetianga an nupa inbiakna te, vantlang hmaa a sawi chhuah zel chuan a nupuiin a kamkhat mai dawn tih te a hrilh ta zel a, a nupuiin ngawi reng tura a tih laia House-a thu a sawi chu, TV live telecast a lo en phei chuan, a nupui chu a lungawi lo hle dawn tih te a sawi a, House member-te chu an nui nasa hle a ni.