UP Bareilly-a sorkar hnathawk thenkhat inthurualin sorkar bum tum

Uttar Pradesh Bareilly ah sorkar hnathawk thenkhat inthurual chuan sorkar bum-a cheng vbc 2 vel eiruk an tum a, Chief Development Officer in an lehkha a endikna ah an thil tum hi a man chhuak. Heng sorkar hnathawk inthurual te hian tualchhung dawr lian pakhat atangin Minimum Support Price aia hniamin dal chikhat, urad dal thahnem tak an lei a, sorkar rate nena a inthlauhna chu eiruk an tum laiin Chief Development Officer chuan pawisa a pek chhuah hmain a man chhuak a ni. Sorkar chuan hetianga sokar bum tumtu Uttar Pradesh Cooperative Federation Official 4 te lakah hian FIR a thehlut a, anni bakah hian an thurualpui midang pahnih pawh thubuai siamsak an ni. Chief Development Officer Satyendra Singh chuan Cooperative Federation hotuten lehkha an siam an endikna ah loneitu an tarlante chu mihring tak awm lo, a lem vek a ni tih an hmuchhuak tih a sawi. Federation hi loneitute hnen atanga Sorkarin Minimum Price Support a pek ang rate-a urad dal leikhawm tura sorkar ruat a ni a. Loneitute hnen atanga lei lo hian tualchhung dawr lian pakhat atangin minimun price support aia tlawm hian an lei khawl a, a inthlauhna cheng vbc 2 chuang zet chu eiruk an tum a ni.