Upper Khatla-a Bible House dinna thin bula thirlei dawh mek chu September thla chhunga zawh hman beisei a ni.

0
364
views

He thu hi PWD Aizawl Road South Division Executive Engineer, Pu David Sapzova chuan vawiin khan thuthar thehdarhtute a hrilh a, he lei dawh mek baka Aizawl Road South Division hnathawh hrang hrang chu vawiin khan thuthar thehdarhtute a enpui a ni. PWD hotute chuan Upper Khatla-a thirlei dawh chu Bairabi Zophai hmuna buaina vang khan hnathawktu an haw vek avangin zawh hun tura bitukah zawh hman a ni ta lo niin an sawi a, hna thawhna hmun hi khawpui chhung a nih avangin hna a muang a, a tir lamah kha chuan zan dar 2 thleng hna an thawk \hin a, thir an khawih hnuah a bul vela chengte tan a bengchhen avangin zan lamah dar 9:30 thleng bak hna thawh theih a ni lova, hei hian an hna nasa takin a ti muang niin an sawi a ni. He lei dawh mek hi meter 50-a sei, meter 6.1-a zau tur a ni a, lei hi a laiah dotu awm lovin amah leh amah inkhai dawn a, a khaitu hi a sang lai berah meter 9 a ni dawn a, a chhuat pawh cement concrete tur a ni a, motor leh a thil phurh tonne 100-a rit dawl zo tura dawh a ni ang. A dawh nan hian cheng vaibelchhe 2 leh nuai 36 ruahman a ni.

Zawhna chhangin PWD Aizawl Road South Division hotute chuan tluang taka hna an thawh theih chuan September thlaah he lei hi dawh zawh hman tum a ni.

Aizawl Road South Division EE chuan he lei dawh mek bakah hian Tuithiang leh Saron Veng inrina-a leimin \hinna hmun te, Armed Veng leh Bethlehem Vengthlang inkalpawhna leiminin a hnawh siam \hat mek te, Mission Veng leh Kulikawn inkara Salem Veng panna Venghnuai peng laih zauh mek leh Bethlem Vengthlang kawn a\anga chauhnuai kawn panna kawnga tuihawk luankawr siam mekte pawh thuthar thehdarhtute a enpui bawk a ni.