Kum 18 mi Sol Pais hian Colorado a luh hnuah silai leiin Columbine High School-ah buaina siam a tum thu a puang a, zirna in 20 velah lut leh chhuak turte khuahkhirh nghal an ni a, police te hian amah hi zawng zuiin darkar 20 dawn an zawn hnuah Nilaini khan school a\anga mel 40 vela hlaah thi-a chhar a ni a, amah leh amah a inkaphlum nia rin a ni.
Police te’n Pais-i chanchin an chhuinaah internet-a a thil ziahte an zir a, nikum a\ang khan mal bik riau-a inhriatna te, thinrimna te a nei tih an hmu chhuak a, March thla tawpa Colorado-a silai a lei theih dan pawh police te hian an chhui chiang a ni. A silai leina dawr Colorado Gun Broker neitupa Josh Rayburn chuan Pais-i chu a endikin a hmain dan bawhchhiatna record a neih loh avangin midang tana mi hlauhawm a nih rinna chhan tur a hmuh loh avangin silai chu a lo leitir mai tih a sawi a, tuna thil thlen dan chu pawi a tih thu a sawi bawk a ni.
Pais-i ruang hmuh a nih hnuah hian zirna in te chu a ngai-a kalpui an ni leh a, amaherawhchu kum 1999-a zirlai pahnih Eric Harris leh Dylan Klebold te’n silai nena Columbine High School an beih champha vawi 20-na lo thleng mai tur chuan nu leh pa te rilru a ti ral\i hle a, he thil hian tun thlengin ngaihven a hlawh hle a, Eric Harris leh Dylan Klebold te atchilh pawl te chuan vauna lehkha te an thawndarh nasa hle a ni.
