US-a Nirav Modi awm leh awm loh an hriat loh thu, US Department of State-in sawi

0
321
views

Rangkachak chhertu lar, bank bum vanga man tum mek, Nirav Modi chu US-a a awm leh awm loh an hriat loh thu, US Department of State thupuangtuten an sawi. Puan tawh angin Nirav Modi hi Enforcement Directorate leh CBI-te’n an chhui mek a, a thubuai-ah hian a pa unau, Mehul Choksi pawh inhnamhnawiha puh a ni a, an sum leh in-te pawh an hren sak mek a ni. Puan tawh angin an laka thubuai thehluh a nih hma, January thla tir lam khan heng mite hian India ram an lo chhuahsan tawh a, an thangna chin hriat a ni rih lo a ni.

He thubuai kal zelah hian vawiin khan CBI-te chuan Punjab National Bank hnathawk mi pakhat an man belh leh a, Nirav Modi-a company leh Bank inkara hriatthiamna, dan loa siam pawh Mumbai-ah an man belh leh tih an sawi a, thu zawhfiah tura mi 13 an kawl mek thu leh, he thubuai-ah hian Bank lam hnathawk mi eng emaw zat inrawlh an awm ngei thute an sawi bawk a ni.