US-ah nupa tuak khatin an fate 13 che sawn thei loin hreng bet

United States, California-a cheng, nupa tuak khat chu an fate 13, che sawn thei lova hreng betah puh an nih avangin police-ten an man a, an fate hi a \hen chu an khum a\anga kal sawn thei lovin, khaidiatin an thlung a, tala-in an kalh niin an sawi. He mite nupa, David Allen Turpin, kum 57 mi leh Louise Anna Turpin, kum 49 mi hi insawisak leh naupang nun tihkhawloh thubuai siamsak an ni a, an fate hi kum 2 leh kum 29 inkar mi an ni a, Los Angeles chhim chhak lam mel 59, Perris khuaah an cheng a ni. Heng unau 13 zinga hmeichhe pakhat, kum 17 mi chu Pathianni khan engtin emaw a tlan chhuak thei a, in chhunga mobile phone a hmuh chu hmangin an dinhmun hi Police-te a hrilh a, Police te chuan, ani pawh hi kum 17 lai ni tawh mah se, kum 10 vel chauh angin a lang a, a cherin a chak lo hle niin an sawi. Police-ten an in an va thlen chuan naupang engemawzat chu pindan thim leh rimchhe takah, an khuma khaidiata thlun beha kalh tlat an ni tih an va hmu a, an zinga 7 chu puitling, kum 18 leh 29 inkar an ni tih an va hmu bawk a, chaw khawp kham ei lo an ni tih hriat takin an cherin an chak lo hle a, an awmna chu a bawlhhlawhin a \awp hle niin an sawi. He mite hi Texas-ah rei tak an cheng a, kum 2010-ah khan California-ah hian an pem a, an eizawnna lamah an tla chhia nia sawi a ni a, an pa ber hi Engineer a ni a, thlawhna leh ralthuam lam kaihhnawih company-ah a thawk niin an sawi. A nupuiin hna a thawh loh avang leh, fa an ngah bawk si avangin, a sum lak luhin an inchawm zo lo nia hriat a ni a, an chanchin hi a hria apiangin mak an ti hle a ni.