US Alabama State Senate inthlan zo fel, Doug Jones thlang tling

0
361
views

US Alabama State Senate inthlan chu zawh fel a ni a, President Donald Trump-a thlawp, Roy Moore chu a tling zo ta lo a, Democrat mi, Doug Jones thlan tlin a ni. Alabama-ah hian President thlanna-ah khan Trump-a hi vote za zela 27 laiin a lo chak tawh a, tun \um inthlanah hian Doug Jones hi vote za zela 1.5 chauhin a chak a, thla hmasa khan Virginia leh New Jersey-a Governor thlannaah Democrat-te hi an lo chak ve ve tawh bawk a ni. Moore hi Alabama Chief Justice a lo ni tawh \hin a, kum 1970 chho velah khan mawi lo takin mi a khawih \hin nia hmeichhe pakua laiin an puh avangin a chak zo lo nia ngaih a ni a, heng puhna te avang pawh hian Republican party hruaitu \henkhat chuan inthlan pawh hi chuh lo tura an duh thute pawh an sawi hial a, Trump-a pawhin Alabama inthlan chuhtu tur zawnna-ah Moore-a ai hian Luther Strange a lo thlang tawh a, amaherawhchu Strange-a hian thlawptu a ngah tawk loh avangin, Moore hian a chuh ta zawk a ni.