US California Thousand Oaks-a bar pakhatah nimin khan mi pakhatin silai a pawng kah a, mi 12 an thi a, midang eng emaw zat an hliam.

0
476
views

 

He thil thlen hun hi tualchhung sana-ah chuan ningani zing lam dar 12 leh minute 50 vel kha a ni a, pawikhawihtu hi amah a intihlum zui a, US sipai, Marine Corps hlui, kum 28 mi Ian David Long a nih thu thuneitute chuan an sawi a ni. Ventura County Sheriff, Geoff Dean chuan thil thleng hi a firfiaka chetna nen inzawmna nei lo nia an hriat thu leh tun dinhmunah chuan Ian David hian eng vanga pawikhawih nge a nih an la hriat loh thu a sawi ve bawk a, \um eng emaw zat chu pawikhawihna tenau-ah a inhnamhnawih tawh thu a sawi bawk a ni.