US Capitol Rotunda-ah Rev. Billy Graham-a ruang dah Congress in rel

0
490
views

Pathian thuhriltu lar thi ta, Rev. Billy Graham-a ruang chu US Capitol Rotunda-ah ni hnih chhung dah turin US Congress-in a ti. Rotunda hi America ramin a duhsak bik-te sunna hmun a ni a, Rotunda-a ruang dah-te sun dan hi chi hnih siam a ni a, pakhat zawk chu Lying In State tia vuahin, President lo ni tawh-te leh ram tana ropui taka hna lo thawk thinte sunna a ni a, President 12 leh sipai hotute 3 hetiang hian America chuan a lo sun tawh a ni. Sun dan chi dang leh hi Lying In Honor tia sawi a ni a, ram enkawl kawnga hnathawk ni lo te tana ruat a ni a, Rev. Billy Graham hi hetianga America-in a sun tur palina a ni. Rotunda-a Rev. Billy Graham sun chungchang hi US rorel khawl, Congress Speaker, Paul Ryan chuan sawi fiahin, Graham hian khawvela thlarau lam hriselna sâwi danglamtu, kumkhua pawha dai tawh lo tur a nih thu leh, US President 12 tana thu rawn petu ber lo ni tawh thin a nih avangte leh, Republican leh Democrat Party mi te entawn leh ngaihsan em em a nih avangin, Rotunda-a Rev. Billy Graham sun hi an titlu tih a sawi a ni.