US Congress \hukhawm chu tiam chin awm loin vawiin a\ang khan tihtawp a ni a, US sorkar pawh hnathawk thei loa khar rih a ni.

Congress-ah hian US leh Mexico ramri hungna bang siamna tur sum President Donald Trump-a’n a dilna ngaihtuah a ni a, Senator-te thu a inhmuh theih loh avangin pawm a la ni rih lo a ni. Hei hi kumin chhunga US sorkar hnathawk thei loa khar a nih \um thumna a ni a, tum \umah hian sorkar pumpui za zela 25 vel chu an sum hman tur dah hran a nih loh avangin khar an ni dawn a, hnathawk mi nuai 8 vel chuan an hlawh an la thei dawn lo a, US sipai leh Department of Health and Human Services-te chu kum 2019 September thla thleng an sum hman tur dah hran a nih tawh avangin khar zingah an tel ve dawn lo a ni. Trump chuan tun \um sorkar hnathawh khar hian rei a awh loh a beisei thu zirtawpni khan a sawi a ni.