US hmarchhak lamah thlipui na takin tleh, mi 5 thi

US hmar chhak lam hmun thenkhat thlipui na takin a nuai avangin mi 5 an thi. Thlipui hi darkar khata km 129 vela chaka tleh a ni a, Boston ah chuan khawpui chhungah tui nasa takin a ti lian a, thlawhna service te leh rel service te tih tawp vek a ni. Thlipui avang hian mi nuai 17 vel zet chuan power supply an hmu thei lo a, Washington ah pawh sorkar office te chu nimin khan khar a ni. Tuipui kama awm, Boston khawpui chu thlipui avanga tuifawn nasa takin a ti buai nasa zual a, kawtthlerah te tuifawn hi in chhek lutin, khaw chhungah tui a ti lian nasa hle. Tui chim chin san zawng hi tlahniam hret tawh mahse, National Weather Service chuan Boston hian tui lian dang a la tuar leh thei tih an sawi. Virginia Governor Ralph Northam chuan emergency a puang a. Rhode Island ah te, Putnam Valley New York leh Virginia ah te thli tlehin chhiatna chi hrang hrang a thlen avanga nunna chan mi 5 an awm a ni.