Trump-a hian Hafiz Saeed hi kum 10 chhung zawn anih hnuah Pakistan-ah man anih thu Twitter ah a ziak a. Legislative Committee chuan Pakistan hian kum 10 chhung a zawng lo a, Hafiz chu hetih chhung hian zalen takin Pakistan-ah a khawsa reng zawk tih an sawi.
Hafiz Saeed hi kum 2001 December thlaah man a ni a, chhuah zalen a nih hnuah kum 2002 May thlaah man lehin, hemi kum vek October thlaah chhuah a ni leh a, kum 2006 August thlaah vawi hnih manin 2008 December-ah a chhuak leh a, kum 2009 September-ah man a ni leh a, hemi hnu kum 2017 January-a chhuah zalen a nih leh hnuah nimin khan man a ni leh ta a ni. Tunah man ni leh mahse, thiam loh chantir a nih hma loh chu lawm vak nachhan tur a la awm lo tih US House Foreign Affairs Committee chuan twitter-ah a ziak a ni.
