US House of representatives Speaker Nancy Pelosi-i’n President Donald Trump-a President a\anga paih theih a ni em tih chhui hna, dan pangngai taka kalpui a ni dawn tih a puang.

0
25
views

Trump-a hian president a nih anga a thuneihna hmangsualin, president thlanna neih leh huna a khingpui tur Vice President hlui Joe Biden hnuh hniam tumin ramdang hruaitute hmin a tum nia sawi a ni a, Joe Biden hi Democratic Party a\anga president ni thei tura rinkai chho mek a ni.

Trump-a hian Ukraine President Volodymyr Zelensky chu telephone hmanga biain, Bidena chungchang chhuinaah pui turin a sawm nia sawi a ni a, hetianga telephone hmanga a biak hma hian Trump-a hian Ukraine sipaite hnena \anpuina pek tur dollar maktaduai 400 chu Ukraine President kar nan hian a tih khawtlai tir bawk nia sawi a ni. Hengte hi finfiah a nih chuan US leh ramdang inlaichinna kawnga dan kalha chetna a nih bakah inthlanna buatsaihna dan kalh a ni bawk.

Trump-a hian phone-a an inbiakna hi \hian\ha inbiakna leh thil kalphung pangngai ve reng a ni a ti a, amah chhui tumna chu behchhan mumal awm lo a ni a ti ve thung.