US in china laka sumdawnna kawnga indona a kalpui mek chu China in chhangletin US thil siam dollar tld 16 hu atanga chhiah lak zaa 25 ah a ti sang.

0
374
views

 

US hian China siam bungrua Dollar Tld 16 hu a\angin chhiah zaa 25 in a lo ti pung tawh a, hetiang chiah chiah hian China hian a chhang let ve leh ta a ni. Hetianga China in chhiah a nih san ve leh takah hian ram pahnih insumdawntawnna-a chhiah vir vel chu dollar tld 106 ah a vawrh kai chho a, hei hi ram pahnih insumdawntawnna pumpui a\anga zaa 17 vel a ni. US in China bungrua a\anga chhiah lak a tihpun hian bungraw chi hrang hrang 279 a huam a, China in a chhanletna atana chhiah lak a tih san hian US bungraw siam chi 333 a huam thung.

US President Donald Trump chuan China nena an insumdawntawnnaah US dinhmun a chhe bik hle nia sawiin, chhiah lak tihpun anih tur thu hi January thla khan a puang a, China chuan US chu ram pahnih inlaichinna ti chhe zawnga cheah a puh a ni. An harsatna sutkian dan tur ngaihtuaha US leh China ram aiawhte ni hnih chhung an inbiakna chu a hlawhchham a ni.