US-in Israel khawpui atana Jerusalem a thlawp chuan buaina sosang dawn niin Arab League hotu-in sawi

0
397
views

Arab League hotu, Ahmed Abul Gheit chuan, US President, Donald Trump-a’n Israel ram khawpui atana Jerusalem a thlawp thu a puan chuan tharum thawhna leh buaina a tisosang thei dawn niin nimin khan a sawi a, Israel leh Palestinian inkara muanna zawnna kawngah pawh thil \ha a thlen dawn lo niin a sawi. President Trump-a makpa, Middle East-a US muanna palai, Jared Kushner chuan nimin khan Saban Forum hnenah, President Donald Trump-a hian Israel ram khawpui atana Jerusalem pawmpui chungchangah thu a titlu thuai dawn tih a sawi a, Arab League hotu, Ahmed Abul Gheit erawh chuan, hei hi thil vanduaithlak leh, thil pawi thui takin a zui theih tur chi nia sawiin, Middle East leh khawvel pum muanna tiderthawng thei niin Cairo-ah a sawi a ni. Abul Gheit-a chuan, hemi chungchang hi Arab League-in ngun takin a thlir reng a, Palestinian thuneitute leh Arab ram hotute pawh a be pawp reng niin a sawi a, US President, Donald Trump-a’n Israel ram khawpui atana Jerusalem a pawm thu a puan veleha thil tih dan tur leh, Arab ramte ngaihdan tur pawh an ngaihtuah \an mek niin a sawi. Israel rama US embassy hi Tel Aviv a\angin Jerusalem-ah sawn tumna a awm reng a, mahse US President te hian thla 6 dan zelah, hemi tihkhawtlaina tur thup>k hi an siam zel a, kum 1995 a\ang khan, Tel Aviv a\anga Jerusalem-a US embassy sawn hi a la hun love, tih ngaihdan an siam thar ziah a, hetiang thu tl<kna hi US President-in a siam a hun leh tawh avangin, ngaihven a hlawh hle a, sawn a la hun lo tih ngaihdan a siam chhunzawm loh chuan US embassy hi Tel Aviv a\angin Jerusalem-ah sawn a ngai dawn tihna a ni.