US-in mi 13 hrek, Myanmar sipai hotu hrek tel

0
564
views

United States-in khawvel hmun hrang hranga mi 13, mi dik lo leh demawma a ngaihte a hr>kna tur a puang a, hengte zingah hian Myanmar sipai hotu, Maung Maung Soe pawh a tel a, ani hi Rohingya Muslim-te laka pawi khawihnaa a mawhphurhna avanga telh a ni a, Gambia President hlui te, Uzbekistan rama roreltu hlui thi tawh fanu leh Russia Prosecutor General fapa an tel bawk. He hremna hi nikuma dan siam, mihring dikna leh chanvo palzuttute leh ei r<kna thila inhnamhnawihte, US Treasury Department-in a hr>k theihna dan tlawhchhana siam a ni a, America hian Myanmar rama mipui rorelna a awm theih nana hmasawnna avangin kum 2012 a\ang khan Myanmar lakah hian \hat a chhuah hle a, mahse Myanmar sorkarin Rakhine state-a Rohingya Muslim-te laka thil a tih dan avangin Myanmar lakah hian a lungawi ta lo hle a, puan tawh \hin angin, he thil thleng avang hian mi 6,50,000 vel chu Bangladesh-ah an tlanchhia a, mi sang tam tak an thi bawk a ni. Maung Maung Soe-a hi November thla thleng khan Rakhine biala sipai hotu a ni a, hei vang hian America chuan mi tam tak thahna te, pawngsual leh khaw hal chungchangah te mawhphurah a ngai a ni.