US-in mi firfiakte khuahkhirh leh thunun chungchnagah Pakistan-in a tih tur dik tak ti thuai turin ti

0
401
views

United States chuan mi firfiakte khuahkhirh leh thunun chungchangah Pakistan chu a tih tur dik tak ti thuai tura a beisei thu a sawi a, America sorkara mi pawimawh tak, Public Diplomacy and Public Affairs Dept-a Under Secretary of State, Steven Goldstein chuan, Pakistan hian a rilru thlakin, an lo intiam tawh angin mi firfiakte tlangnel lohna tura thil a tih a beisei thu a sawi. Zawhna chhangin Steven Goldstein chuan, America-in Pakistan \anpuina tur sum ruahman p>k chhuah a tum rih loh thu a puan hnuah pawh, Pakistan sorkar hnen a\ang hian thuthar engmah a la dawng lo tih a sawi a, \anpuina tur sum hi p>k rih loh mai a nih thu leh, hmun danga hman atana ruahman a la nih loh thu a sawi bawk. Pakistan mipuite chuan mi firfiakte thil tih an tuar nasa tawh tih sawiin Goldstein-a chuan, hei vang hian sorkarin a ram leilung chu mi firfiakte zalenna hmunah a siam loh a pawimawh a ni, a ti a, hemi hawi zawnga rilru thar pu tur hian America-in Pakistan chu beisei mah se, thuthar hriat tur erawh chu a la awm chuang lo niin a sawi. Pentagon thupuangtu, Dana White pawhin Pakistan hian a rilru put hmang hi englai pawhin a siam \ha thei tih chu America sorkar ngaihdan a nih thu a sawi a, tun hi chumi atana hun remchang nia sawiin, mi firfiakte khuahkhirh a, an zalenna chhuhsak a, an pawi khawih titawp tura nawr turin Pakistan sorkar chu an beisei reng niin a sawi bawk. US Secretary of State, Rex Tillerson-a chuan Pakistan ram chu sakhaw zalenna bawhchhe nasa ram nia sawiin, en ngun a ngai hle niin a sawi a, tun thla ni 4 khan Pakistan hi en ngun ngai ramte zingah a telh a ni.

———————

Pakistan hian Mumbai-a pawi khawihna rapthlak tak bul tumtu-a ngaih, Hafiz Saeed-a chunga thil tih a tum danah pawh engmah a la sawi lova, mahse khawvel ramte inlaichin dan lam ngaihtuaha a mawhphurhna erawh chu a ngaih pawimawh thu a sawi. Foreign Office thupuangtu, Mohammad Faisal chuan zawhna chhangin, Pakistan hian UN duh dan leh, mi firfiakte hr>k chungchanga US thuchhuakte chu tihhlawhtlin a duh niin a sawi a, mi firfiak pawl leh mimal, Hafiz Saeed-a te ang chi chunga UN thil ph<t pawh a hria tih a sawi. UN Security Council chuan hetiang mite hi an thil neih, khawih ch>t theih lohva siam te, zin thei lo tura khuahkhirhte pawh a ph<t tih a sawi a, BBC thupuan, Lashkar-e-Taiba dintu, Hafiz Saeed-a hian kum 1990 chho-ah khan UK fangin, Muslim-te chu sakhaw thila tharum thawha martar pawh ngam turin a fuih tih chungchangah he thu hi a sawi a ni. BBC sawi danin, khawvela mi firfiak langsar ber pakhat, Saeed-a hi tunah hian Pakistan rama Jamaat-ud-Dawa hotu a ni a, kum 1995-ah khan UK-a Muslim biak in, mosque hrang hrang a tlawh a, chutih laia LeT chanchinbu-ah pawh hei hi tarlan niin a sawi a ni.