US-in Pakistan a tanpuina tur hnuhlet vekna tur Bill House of Representatives-ah pu lut

0
251
views

Ralthuam leh intelligence lam thilah te Pakistan in mifirfiakte a puih thin avangin, US in Pakistan a tanpuina tur hnuhlet vekna tur Bill US House of Representatives ah putluh a ni. Ram venhimna kaihhnawih ni lo, thil dang zawnga Pakistan tanpuina tura sum ruahmante hi US ram chhunga hmasawnna ruhrel dinna tura ruahman a ni a. He bill puluttute hi congressmen Mark Sanford leh Thomas Massie te an ni a. He bill hmang hian US State Department leh United States Agency for International Development USAID te chu America mite chhiah pek khawm Pakis tan hnena an pek chhuah a khap dawn a, Pakistan tanpuina tura sum ruahman te chu Motor kawngpui tih changtlunna atana hman turin Highway Trust Fund ah chhunluh a ni ang. Bill puluttute hian Pakistan chuan hrereng chungin mifirfiakte a tanpui bakah an tan pawikhawiha chet lakna turin hmun him a siamsak reng a ni an ti a. Massie chuan Pakistan sorkar chu na taka sawiselin, mifirfiakte ralthuam leh inteligence lama tanpuitu ram tan US in sum a pe tur a ni a ni lo a ti a. Sanford-a chuan America mipuiten ram dangte kan tanpuiin, chung ram te chuan America mipui chhiah pek tlingkhawm chu mifirfiakte lawmmanah an hman a thiang lo a ni a ti bawk. 9/11 hnulama US in Pakistan a tanpuina hi dollar tld. 34 hu zet a tling a. Nikum chhung ringawta a tanpuina chu dollar mtd. 526 a tling bawk.