US-in Pakistan hnena a pek tur dollar tld 1 leh vbc 15 pe rih dawn lo

0
596
views

United States-in Pakistan hnena ram ven himna senso atana a p>k tur, dollar tld.1 leh vbc. 15 chu p>k a nih rih loh tur thu a puang a, Pakistan chu mi firfiak pawl – Afghan Taliban leh Haqqani Network mite humah leh, a ram chhunga zalen taka awmtirah puhin, heng pawlte khuahkhirh tura a ph<tna bengkhawn duh lo-ah a ngai a ni. Kum thar ni khan President Donald Trump-a chuan, America sorkarin kum 15 kal ta chhung khan Pakistan hi dollar tld. 33 chuang a pe tawh na a, Pakistan-in America a p>k l>t chu inbumna leh thu dik lo chauh niin a sawi a, mi firfiakte a hum reng bawk niin a lo sawi tawh a ni. Tuna sum a p>k t^k loh zingah hian kum 2016 chhunga Foreign Military Funding an tih, dollar mtd. 255, Congress pawhin a lo pass pawh pawh a tel a, hemi b^kah hian US Defense Dept. chuan kum 2017 atana Coalition Support Fund an tih, dollar mtd. 900 a tel bawk a, State Department thupuangtu, Heather Nauert chuan, America-in Pakistan hnena pawisa a p>k tur chu Pakistan sorkarin Afghan Taliban leh Haqqani Network pawl a khuahkhirh hma chuan hren a ni dawn ta tih a puang a, ralthuam leh sipai mamawh dangte, ram ven himna lam thila hman tur pawisa te chu p>k a ni dawn ta rih lo tih a sawi.

August thla khan President Trump-a hian Asia chhim lam biala America policy thar a puang a, America sorkarin nasa taka nawr chungin, Pakistan ram chhungah hian Taliban leh Haqqani Network pawl mite an la zalen reng a, Afghanistan sorkar an tibuai reng a, US leh a thurualpui ram dangte pawh an bei zui zel niin US thupuangtu chuan a sawi. US Defense Department thupuangtu, Lt Col Mike Andrews chuan, National Defense Authorisation Act, 2017 hnuaiah Coalition Support Fund hi Pakistan hnenah dollar mtd. 900 p>k theih a ni a, heng zinga dollar mtd. 400 chu Defense Secretary, Jim Mattis-a’n mi firfiak pawlte chunga Pakistan sorkar thil tih dan a lungawithlak thu a nemngheh hma chuan p>k chhuah theih a ni dawn lo tih a sawi a ni.