US in Pakistan sipaite \anpuina tur sum dollar maktaduai za tel a hnuhlet thuah US President Donald Trump-a’n Pakistan in US tan eng thil mah a tih duh loh avangin US sorkar hmalakna chu tih dan tur dik tak a ni a ti.

0
466
views

 

Fox News in a interview-naah Donald Trump-a chuan Pakistan sorkarin mifirfiak pawl Al Qaeda hruaitu Osama bin Laden chu a khawpui pakhat-a a lo tawm ruk theihna turin a pui a ni a ti a, Abbottabad hmun-a Bin Laden-a lo chen \hinna hmun chungchang pawh sawiin, nuamsa tak leh thlamuang takin Pakistan chuan a lo chentir a ni a ti. Bin Laden-a hi kum 2011 khan US Naval Special Warfere Development Group Force ten thatin, Abbottabad-a a chenna in pawh an ti chhia a. Trump-a chuan Bin Laden-a chenna hi Pakistan sipai hmunpui pakhat bul mai anih avangin Pakistan sorkar chuan a hre chiang hle tur a ni a ti. Trump-a chuan hetiang hi thil awmdan a nih laiin US chuan kumtin Dollar Tluklehdingawn 1.3 in Pakistan a lo \anpui \hin a, tuna \anpuina pek tur hnuhlet a ni ta chu US tih tur dik tak a ni a ti.

September thla khan US sorkar chuan Pakistan \anpuina tur Dollar maktaduai 300 chu a hnuklet a ni.