Congress ten ramri hung rawtna \um tam tak an hnawl hnuah Donald Trump hian ramri hung na tur dollar tld 8 a hmuh theih nan emergency a puang a, Department of Homeland Security te’n emergency a puan bawhzuiin metre 5.5 a sang ramri hungna bang, km 92 siam nan te, kawng siam nan te leh kawlphetha pek nan te sum pe turin Pentagon hi a hrilh a, Pentagon-a Acting chief Patrick Shanahan chuan ramri hungna bang engemaw chen sak nan dollar tld 1 pek a remti a, US Army Corps-a Engineer te chu Department of Homeland Security leh Customs and Border Patrol thupek bawhzuia dollar tld 1 daih tawk tura ruahmanna siama hlenchhuak turin phalna a pe ni
He budget duan lailawk chungchanga insawifiah turin Shanahan hi Congress-a koh a ni a, a luh hma hian chanchinbumite hmaah Shanahan chuan Department of Defence te’n ramri bul kawhphetha hmanga tihen a, kawng leh inhungna pal siama ruihhlo tawlhruk te an dan theih nan he phalna hi pe tih a sawi.
