US leh Taliban ten inremna an duan chhoh mekah Taliban mi tan-in-a khung mekte chhuah an ni ang tih intiamna an nei lo tih Afghanistan President Ashraf Ghani-a’n a sawi.

0
341
views

US leh Taliban ten Inrinni-a Qatar-a inremna thuthlung an ziahah khan March ni 10 hmain Taliban mi tang 5,000 te chu chhuah an nih tur thu sawi a ni a, Ghani-a hian mi tang chhuah thu hi inbiakna puitlin hmaa sawi chi a ni lo a, inbiakna hmanga chinfel ngai chi a ni a ti. US leh Taliban inremna ang hian US sipaite chu zawi zawiin an in la chhuak dawn a, Taliban lam chuan Afghanistan sorkar nena inbiakna neih an remti thung a ni. Inremna ang hian Taliban te chuan an thuneihna chinah Al Qaeda leh mifirfiak pawl dangte an awm lohna turin hma an la bawk dawn a ni.

Kum 2001 September thla-a al-Qaeda ten New York an beih hnu khan US hian Afghanistan hi runin, sipaiten an awm chilh nghal a, Taliban te thuneihna chu paihthlak a ni a, kum 2018 ah khan Afghanistan ram chhung hmun thuma \hena hmun hnihah Taliban te hian hma an la a ni.