US New Mexico Police ten thlaler hmun pakhata naupang 11 riltama hren beh te an chhan chhuak.

0
576
views

Police te chuan heng naupangte hi kum 1 leh 15 inkar mi vek an ni a, pheikhawk bun tur an nei lo a, an thawmhnaw pawh a chhe hle tih an sawi a, ram rethei a\anga raltlan ni thei an hriat thu an sawi a, naupangte awmna bulah hian puitling panga leh anmahni vengtu ralthuam \hahnem tak keng mi pahnih pawh man tel an nih thu an sawi. Police te chuan message pakhat an dawn bawhzuiin helai hmun hi an dap a, message thawntu hian an ril\am thu leh tui leh eitur an mamawh thu a ziak a ni. Colorado ramri hnaih Amalia hmuna heng mite an lo awm ngawt dan hi hriat chian a la ni lo a, Taos County Sheriff Jerry Hogrefe chuan naupangte hi an ril\amin an tui a hal hlawm hle tih a sawia, an cher hle tih a sawi bawk. Heng naupangte awmna hmuna silai keng pahnih Siraj Wahhaj leh Lucan Morton te chu naupang tih duhdah thubuai \hahhnem tak siam sakin Police ten an man nghal a, naupang te nu nia hriat hmeichhe pathum te chu thu zawhfiah an nih hnuah chhuah tir leh an ni.