Puan tawh angin thawhlehni lamah khan White House thupuangtu Sarah Sanders chuan Republic Day hi an ram lama President-in House-ah thu a sawi hun nen a in nan dawn avangin Trump hian khuallian ni tura sawmna chu a hnar tih a lo sawi tawh a, Modi nena an inkar a \hat thu leh ram pahnih inkar tih\hat belh tuma an beih reng thu leh remchang hmasa bera hmaichhana kawm leh ngei a tum thu a sawi bawk a ni.
Trump-a’n sawmna a hnar chhan US palaiin a puan leh hma hian Congress lam chuan zahthlak an tih thu leh ram tan pawh thil mualpho thlak tak a nih thu sawiin sorkar laipui an bei nasa hman hle a, Sorkar laipuiin khuallian tura a sawmna hnawl a la nih ngai loh thu te leh ram dang dawr kawngah Modi-a kaihhruai sorkar chu a hlawhchham nia an ngaih thu te pawh an sawi a ni.
