US president Donald Trump a’n a ngaihzawng hlui pahnihte ka hupna tura pawisa pek chuan inthlanna dan dinglai a kalh lo niin a sawi.

0
812
views

A danhremi hlui, Michael Cohen a’n kum 2016 inthlan dawnin hmeichhe \henkhat hnena pawisa a pek ngei thu court hmaa apuan hnuah Donald Trump-a chuan he thu hi Fox&Friends interview ah a sawi a, sum pek chhuah hi a mimal pawisa a nih thu sawiin campaign na tura sum tlingkhawm a\anga pek a ni lo tih a sawi. Hemi hmalam hi chuan Trump-a hian a bialnu hlui pahnihte ka hupna atana pawisa pek a ni tih hi engmah hre lo angin a insawi a ni.

Trump-a chuan Cohen chu hremna nep zawk beisei vanga thu phuah kualah a puh bawk a, hmeichhe pahnih hnena sum pek hi a hunlai ni lovin, a hnuah a hre chauh niin a sawi bawk. Hetihlai hian Cohen a hian Court hmaah chhia chhama a inpuan danin pawisa hi amah Trump-a thupek anga pe a nih chu a sawi thung a, Court in thu a zawhfiahnaah Cohen chuan pawisa hi puitling film chang thin Stormy Daniels leh Playboy model hlui MacDougal te hnenah a pe tih a puang a ni. US inthlanna dan dinglaiah chuan candidate te ham\hatna tura sum hman reng reng puanzar a ngai a, he pawisa hi Trump-a mimal zahawmna humhim tum vanga pek nge President candidate anihna zawna pek chhuah tih chu zawhna a ni ta a ni.