US House of Representatives chuan Trump-a demna hi vantlang hmaah puangin Trump-a \awngkam chuan America rama mi chi hrang hrang chengteah inhuatna leh hlauhna a tuh tih an tarlang a, Trump-a’n Democrats MP te US chhuahsan tura a ti chuan chi inthliarna leh ramdang mite a huatzia a tilang a ni an ti.
Inhnialna nasa karah vote la-in resolution hi pass a ni a, Trump-a dem duh zawnga vote tute zingah Republican mi 4 te pawh an tel a, an ni bakah hian Independent pakhat leh Republican MLA hlui, Justin Amash pawh a tel a ni.
An resolution-ah chuan chi leh chi inthliarna \awngkam MP te laka Trump-a’n a hman vang leh an pianna rama kir leh tura a \awngkhum vangin Trump-a an dem thu te, America chanchin hlui a\anga enin, America mi leh sa zawng zawng te chu ram dang a\anga pem leh chung pem mite thlah kal zel chu an ni vek tih ziahlan a ni tih te, chi leh chi emaw hnam inthliarna hian ram leh hnam hmangaihna a kawk lova, ram tana \hahnemngai taka rawngbawla, ram danpuiin a duan, intluktlanna, zalenna leh mipui rorelna chu dah lala, ngaihpawimawh chu ram leh hnam hmangaihna a ni zawk tih te a tel a ni.
