US President Donald Trump-an Democrats hmeichhe MP te an pianna rama sorkar \awmkai lo leh dawngdah tak hnuaia let leh tur leh heng hmeichhia te hian a chhiatna lai zawngin an sawisel reng nia twitter-a a tarlan chuan nghawng a nei lian chho zel.

0
100
views

MP pali, Alexandria Ocasio-Cortex, IIhan Omar, Ayanna Pressley leh Rashida Tlaib te chuan US President Donald Trump chu chi inthliarna ti langah leh thleibik neiah an puh a, US khua leh tui nihna nei an nih thu sawiin US mipuite chu thlem theiha awm lo turin an ngen a ni.
Hmeichhe palite chuan President rorel dan chu ngun taka ngaihtuah chian a \ul tih an sawi a, a ram awp dan chu a mumal loh bakah a buai hle a, a kehchhe mek a ni an ti a, a rorelnaah eirukna nunphung nghet takin a tuh niin an sawi.