Green card tihtawp lailawkna tur Dan ah hian ni 60 thleng tihtawp a ni phawt ang a, thil awmdan a zirin a hun chhung hi pawhsei theih a ni ang.
Trump chuan coronavirus vangin an ramah ei leh bar, sum leh pai dehchhuah a harsat vangin America mipuite hnathawh tur hum nan he thil hi duan a ni a ti.
Green card hi America khua leh tui dik tak ni lo, America-a inbengbel duhte tana duan a ni a, mimal green card neite chu Lawful Permanent Residents emaw, green card holder tiin emaw chhinchhiah an ni a, tunah hian green card nei mi maktaduai 13.2 an awm mek a, chung zinga maktaduai 8.9 te chu United States khualehtui ni tura thlan tlaka ngaih an ni a, mi 65,000 vel chu US Armed Force \ang lai an ni.
Trump-a’n green card \henkhat tihtawp lailawk a tum hi mi tam takin an sawisel nasa hle a, ram hruaitu thlan kumah hri leng chu chhuanlama hmanga hming\hat lak tumah an puh a ni.
