US president Donald Trump-a’n indona pumpelh a duh rualin, indo loh theih loh anih chuan Iran-in a chhiat phah ngei dawn a ni a ti.

0
797
views

NBC in a kawmnaah Trump-a hian US chu inbe turin a inhawng a, Iran-in nuclear ralthuam a tih changtlun erawh a remti lo a ni a ti a, Iran-in US enthlakna drone a kahthlak avanga Iran beilet tura ruahmanna a hnulet leh chhan pawh sawiin US sipaite ruahmanna kha kaltlangpui anih chuan Iran mi 150 an thih dawn avang leh hei hi Iran thil tih nen inphu tawk lova a hriat vanga hnuklet leh a nih thu a sawi.

Iran hian US in enthlakna atana a hman Drone hi Iran ram chin boruakah a luh luih avanga kahthlak a ni a ti a, US erawh chuan an thlawhna hi tu ram bik mah ni lo, international airspace-a thlawk a ni a ti thung.

Hemi hmalam hian tuialhthei phur lawng \henkhat beih anih thuah US chuan Iran chu a mawhphurtu nia a sawi avangin US leh Iran inkar boruak hi a \ang tawh sa a, US hian Iran chet dan chungchang ngaihtuah tur hian UN Security Council ah a thlen tawh bawk a ni.