US President Donald Trump-a’n intiamkamna awm loa inbiak a duh thu a sawi chu an hnawl tih Iran sorkar thuneitute’n an sawi.

0
443
views

Iran Foreign Ministry thupuangtu Bahram Qasemi chuan Trump-a thusawi chu an tan hlutna nei lo leh inhmuhsitnaa an ngaih zawk thu an sawi a, an ram President Hassan Rouhani pawhin kum 2015-a Iran Nuclear inremna an lo neih tawh a\anga US a inhnuhdawh dan chu dan kalh a nih thu leh awlsam taka US thuhnuaia tluk luh an tum loh thu a sawi ve bawk a ni. Qasemi hian Trump-a’n Iran a hrek mai piah lama ram dangte pawh hmin tuma a nawr reng laia inbiakna neih duh anga a insawi chu a inkawkalh hle a ni a ti a, Iran Revolutionary Guards hotu ber, Major General Mohammad Ali Jafari pawhin Trump-a thusawi chu an pawm loh thu leh Iran chu North Korea ang a nih loh thu te, Trump-a hnua US President ni leh tur te pawhin chutianga an hmuh ngai loh tur thu te a sawi ve bawk a ni.