The New York Times in White House a\anga a thudawn a ziah chhawn danin Iran-a hmun pawimawh \henkhat bei tur hian ruahmanna siam a ni a, sipaiten ralrel an zawhfel \epah Trump-a hian a rilru thlakin a hnuhlet tir leh a ni. US-in enthlakna atana a hman thlawhna, spy drone chu Iran-in a kahthlak sak avangin Iran beilet tura ruahmanna hi siam nia hriat a ni a, White house erawh chuan he thilah hian sawi a la nei lo a ni.
Iran hian mihring khalh ni lo, thlawhna chikhat drone tia sawi, US ta hian an ram chin boruak a luh avangin an kap thla tih a puang a, US erawh chuan an thlawhna hi tu ram bik mah ni lo, international airspace-a thlawk a ni an ti ve thung. Tunhnaiah helai biala tuialhthei phurtu lawng ten beih an tawh chungchangah US hian Iran tihah puhin an inkar boruak hi a \ang chho hle a ni.
